分享心得

感激原來打完上一篇都有少少人睇 希望可以慢慢累積到人數
最近買左號稱　受益一生既十本書　忍唔住終於送到　然後馬上翻閱
其中一本書既狼道　　書中講好多關於狼既道理　而令我諗起人生上其實都經歷左好多野　裡面都有好多睇法想分享下　其中最重要　亦都感覺有Ｄ廢話係　要認清楚目標　同認清楚自己既實力　理論上　世上無難事　但問題係　時間係有限　當能力不足既時候　時間就係決定成敗既關鍵　　舉個例跑馬拉松　Ｄ黑人可以２粒幾鐘跑完　但如果一個無訓練過既人　　即係無能力既人　理論上都可以跑完個馬拉松　但時間已經差好遠　１件事既成敗　要睇埋機會　同效率　如果做任何事　唔夠快　唔夠果斷　　競爭力唔夠其他人高　　只會比人捷足先登　

另一樣野都好想分享下　就係耐性　　原來狼係非常有耐性既動物　點解耐性咁重要呢　因為獵物唔會隨時出黎　要耐心等待先會搵到　睇到　最後得到　　　假如無耐性　三心兩意　只會樣樣都半桶水　一樣都係唔成事

暫時講住咁多先　仲有９本書要睇。。

I am Back 重新出發

終於回來了,事隔左７年 睇返上１次打ＢＬＯＧ係2013年　機緣巧合之下我睇返呢個ＢＬＯＧ　其實曾經都有Ｄ人睇過下　我好想比個目標自己　可以堅持試下打ＢＬＯＧ既生活
到底呢７年我做過Ｄ咩呢？　有咩成長呢？同埋到底有Ｄ咩可以分享到比大家　黎緊我會慢慢再ＵＰＤＡＴＥ　

不如先講下最近武漢肺炎疫情點樣啦　大家死得未（自嘲中）唔係玩野　　其實我知道今次肺炎影響深遠　好多中小企行業　死既死　炒既炒　停薪既停薪　停業既停業　總之　大家乖乖留係屋企　仲要全球陪你一齊　真係好癲！　

不如都照舊講返疫情失業點樣搵工啦　又或者係放無薪假　需要搵多份兼職幫補下
會有以下建議：

由於文職行政管理等工作　將會慢慢因應環境而削減人手　只有剛需性工作會留得低
所以建議大家可以考慮返Ｄ　需要有一技之長既工種黎做　
如果無　必須學習及擁有一門專門技能　以作維持生計　

其次　必須學習如何透過網上賺錢　慢慢經營一門自己的小生意　咁先可以提高到自己收入　老實講　香港過去呢一年經濟已經５勞７傷　難以短期內復甦　因此如果單靠賺本地市場既錢　競爭將會非常激烈　必須考慮埋海外市場　或者新興行業去賺錢　　又或者甚至海外網站搵工　然後提供服務比佢地　　咁樣先可以有無限既需求同供應出現

講完以上既廢話　即係點？簡短Ｄ講　如果要生存　搵食　大家都知有Ｄ工係請緊人　例如送外賣之類　但係咪長遠呢　只可以透過以上方法慢慢建立出黎　否則　生活只會愈黎愈難挨


今日分享係咁多　多謝大家　希望之後可以分享得密Ｄ　　

暑期工的滿足感

第一次做完暑期工 有咩感覺呢
要我回憶返果陣做完有咩感覺
其實一路做  一路都識到好多人
包括同你同lv既人啦   你跟既大佬  老細   客人  各方面都有接觸
感覺好新鮮   我諗平時你只係局限於 同你既fd 同學  親戚 鄰居 接觸架姐
至於同外界既人接觸 一係幾特別既體驗
特別係d 阿叔  最鐘意教你野   因為佢地覺得你仲後生
好多野想點下你   有時未必真係串你或者鬧你
因為有事有d野  唔錯一次  係永遠學唔到既！

仲有就係  角色既問題
平時既你 肯定係客人身份去享受某d 服務或買乜d野
但當你系返緊工果陣  你既感覺會完全唔同
你既視野會闊左好多
亦到識到好多朋友

＊可能有d人話  唔係wo 我識到好多仆街wo  
其實我覺得好大程度係你既問題   係你唔識點同人去相處
呢個社會係咁架啦  咩人都有    你想同人相處得好  一定要遷就別人
以前既你 仲細  全部人地就你   或者你d fd讓下你

但出到黎  個個都3唔識7  點解要就你
所以就要學識同人相處
如果未相處 人地已經排擠你  
咁你一定要好好檢討下自己既行為 或者性格！

返暑期工仲有種開心就係
出糧果下啦  
學生既你  可以有幾多錢？     但出糧一炮有幾千
真係好爽  想買咩都得
同時你會學識點管理你既錢
唔理你係  小康之家定有錢人
你打果份錢   時薪＄28－ ＄100    你都會好珍惜
買任何野都會計住： 例如買iphone5
你會計到係  成個月part time人工
就會諗  咁辛苦做乜？？


其實你地已經好幸福  因為以前係無＄28 呢支歌仔唱
我in果陣kfc係＄15咋   m記都曾經＄12  ＄13／hr 咋
＄28 真係超多    當然而家生活水平又唔同
只係想講，，呢一代有一代既生活方式啦

好好享受吧！！

有咩野想傾 想問  隨時留低  thank you

善用PART TIME

估唔到都仲有人睇個BLOG既,咁可以幫多少少搵工既野

同補充少少平時生活既事

鐘意既可以LIKE 簡單生活 呢個FACEBOOK既


之前推介過D搵工網  可以推介埋呢個
www.careerjet.com.hk

估唔到有人特登EMAIL比我想我推介 咁我都尊重既

雖然比唔到大網如JOBSDB, CTGOODJOBS果類工 

但都有好多適合大家既工 可以睇下呀

今次想講返PART TIME的意義

到底 返PART TIME為左乜呢?

1. 賺錢

2. 識朋友

3. 學野

4. ZIP時間

5. 炫耀




我相信離不開呢5點  而最重要1定係第一點  
犧牲咁多時間, 為既就係錢  如果有錢  
如果有人比到1筆錢你 係高過你 PART TIME既錢 

你1定唔會選擇返工

所以講到尾  目的為錢好明顯!!



而其他果4點呢  係1D 格外既野  令你做PART TIME既時間 做得更開心既

講真 份份工都辛苦  特別PART TIME  咩福利都無

齋做既話 真係好浪費自己時間    

所以如果揀到一份工 識到一大班FD  又有人工收  咁真係幾正既


但如果搵到一份工 係又受氣, 受得罪人  錢又覺得少 (相信大部份人都係)  咁你都會好辛苦咁挨緊


所以我今次想講  到底點樣善用你既PART TIME呢??



第一:   咩PART TIME都唔緊要 最緊要有工作證明

咩意思呢? 其實好多PART TIME都係就咁出糧 好求其  
但我想大家知道 PART TIME都係工作經驗之中  如果想話比人知你有某某經驗
一定要SHOW到證明

當中證明可能係簽約, 可能係出糧  或者REFERENCE LETTER

點都一定要有   如果無既話    我相信將來你同人講做過咩PART TIME 幾勁都無用

因為無證明..

就係太多人吹水 所以無人會信


第二: 善用PART TIME 經驗 諗將來


可能你PART TIME只係做飲食, SALES, 運輸  文員仔 ,  速遞 , 

但其實對你將來做FULL TIME好有幫助

起碼你認識間公司, 甚至你認識果一行   你有好大既優勢繼續去做

我知道好多人都覺得PART TIME經驗無咩用  當你做SALES  無咩人會理你呢個經驗

但係如果你系同一行發展 其實PART TIME經驗都會COUNT

當然好多人可能一畢業就想: 我要搵多D 錢, 我唔想咁頹, 我唔想咁辛苦


但諗深一層   , 其實份份工都係辛苦, 都係少錢 , 都係頹 

點先多D? 就係靠經驗     如果你有經驗 系同一行發展  其實上你搵到既錢係 多過份其他行業既

我唔計入政府工啦  或專業資格 如醫生,律師,護士果D

講真  通常D工 都係 8000~ 12000  唔理你咩學歷    除左 某部份SALES


所以如果你能善用PART TIME既經驗 再繼續做落去  人工肯定會多,  工作熟左更輕鬆


第三: 善用PART TIME既人脈


PART TIME既時候, 總有好多同事   你一定要善用呢D關係  互相了解大家

知多D 唔同出路   將來點都一定有D用既

可能人地叫埋你一齊見某份工  比多左個機會你  

又或者 同你講 某某工正PK  千奇唔好信   知多樣野都好呀

同時, 有D FULL TIME同事 佢地話晒都做左咁多年野,  可能佢地知道好多野

同佢地打好關係  得閒問多D 經驗  真係學到好多野架




簡單一句,就係 做PART TIME果陣 唔好靜係為左錢

先諗下幫唔幫到自己 將來搵工   再諗下做得開唔開心  最後先諗錢

有錢,但做得唔開心  根本無意思   

祝你搵到份好工

隔左成年無打文了

差點遺忘左呢個網志

系度都想繼續分享返d 分工心得

係度提供返2個無敵網 比大家先 

呢個網  齊晒所有搵工網   真係超無敵！！
http://www.i818.com/job/

必睇！！   有晒 唔同機構  唔同 agent 獵頭 政府  公營機構呀 飲食之類

有呢個網實無失業啦


http://bbs.yingjiesheng.com/forum.php
大陸畢業生網


我唔知道有幾多人係將會畢業
或者就黎畢業
甚至你只係讀緊書  

唔緊要

因為呢個網 你都遲早一定用得著

因為佢分享左勁多 唔同大公司  既面試過程，心得 ，題目

真係超級正！ 

特別畢業既你  想入big4呀，  bank呀  之類 實走唔甩 

系度就 揀間銀行分享下先


例如中國銀行：（雖然係大陸，但都有參考價值既 因為我compare返 我系香港in 中銀  題形差唔多）

2012年12月1日下午13:30-16:50（3小時20分鐘），中國銀行筆試。

第一，筆試總共分為四部分，單獨計時，時間一到屏幕自動跳到下一部分：英語，13:30-14:30，100道題；行測，14:30-15:30，大概60-75道題（樓主從前往後、從後往前做，竟然不記得具體數字了，sorry~）；綜合，15:30-16：30,100道題目，其中單選65道，多選35道；性格測試，16:30-16:50，為排序題（really disgusting！！！）。

第二，分項說一下感受：

1、英語，托業題目，題型和我下面發的帖子裡面的《托業閱讀1000題》中的題型一模一樣；題目很簡單、題量也不大，只要不要猶豫，適應電腦閱讀，完全能做完，所以不用太擔心。另外，LZ想說的是，裡面有兩篇閱讀是見過的。考前可以參閱我下面這個帖子裡面發的資料，因為我只做了toeic的第一套題目，竟然看到一模一樣的原題一篇。so pay attention to：http://bbs.yingjiesheng.com/thread-1612814-1-1.html

2、行測：考試分為了四個部分，邏輯推理、數學題、言語理解、資料分析。題目不難，但是時間很緊張。LZ從前面開始做，做到只剩30分鐘實在扛不住了，於是又倒著從資料分析題往前做的。資料分析題很簡單，基本不用計算，全部原文可找出原話；言語理解題中的排序還是有點兒讓人郁悶的；數學題，基本為應用題，說實話，真的很簡單；總之，中行的行測題總體還是挺簡單的，所以考前看看國考的行測參考書，考試的時候抓緊時間做題，應該問題不大的。

3、綜合測試，這個真的要吐槽了。裡面考的專業知識點挺多的，很細，科班出身的LZ只想說，這部分做的悲劇了，提前20分鐘點完，一點都沒有檢查的動力，因為檢查還是不會！！！！考的比較多的有：貨幣銀行學、商業銀行學（比如：貨幣的職能、特別提款權、商業銀行貸款要求等。注意，各款項的基本內容，哎，中行考的不像建行的專業知識是有點兒偏理解型的，中行考的完全就是干條條）；經濟法、法律（如：有一道題是這樣的，甲幫乙保管某資產，但未經乙同意又賣給了丙，後來甲向乙說明情況並把所得交給乙，選項是A、甲乙之間的合同無效，B、甲丙之間的合同無效，C、乙丙之間的合同無效，D、以上三者都無效；又如，以下哪個關系屬於民事關系，這就要求熟悉民事關系到底主體、客體是什麼了）；會計，還是三大會計表（資產負債表、利潤表、收入費用表，要熟悉各個項目呀，比如，考到以下哪個要記入當期收入表中的）；另外管理類。

有關綜合測試題，其中還包括的內容有：中行的相關知識（成立時間、信用卡名稱、獲得的榮譽，既有單選又有多選，單選還比較好選，多選的話，記不清楚就只能胡點一通，sigh~），時事新聞（今年熱點中的關於三沙的相關知識點，中行、交行、建行都考到了，要高度注意呀；航母艦的名稱等）

這部分的多選題，讓人很無力呀！！！bless~

4、性格測試，中行這個性格測試讓人很無奈；它是一道題目裡面有大概6個項，排序，說明是強烈同意、非常同意、同意、輕微同意、不確定、輕微不同意、不同意、。。。，如果你有兩個項選的是同一個標簽，它就繼續讓你對這兩個或多個雷同的選項進行排序，直到排序明確為止，做的讓人很惡心；後來就是類似的題目，再讓你排序一遍，估計是測謊吧，時間很充裕，所以在你選的時候，你可以稍微在紙上做個標記，下次看到同樣的題目

好啦 今日講住呢度先

有興趣既人都可以like下我個page呀

http://www.facebook.com/simplelife59?ref=hl

或者想問d咩都可以pm下我   

THANK YOU

放榜日子

最近好耐都無打交章了  不知大家搵工搵到點
相信有班人應該出左糧了吧！！  通常office工會係1號出糧  
飲食業既工會係 7號出糧  點解唔同時間？因為就返個會計要結算人工
例如你係paid  月薪 咁多數1號出   paid 時薪果d 就7號


另外講左咁耐搵工  我遲d會再update更多搵工資料
今日講下放榜日子
有人考得好 等升u  有人考得差  唔知點算


考得差既人可以考慮：
重考DSE, 讀asso／hd, IVE, 大陸／外國／ 工作


揀咩其實都無所謂  最緊要諗清楚自己係咪揀得岩
唔好讀完先後悔


今日系某大學 行過 見到 人山人海  個個爭住報asso
但係 我睇到幾樣野


個個約晒自己班好朋友黎一齊報asso 好似黎旅行咁  嘻嘻哈哈
到底有幾多個真係著緊自己前途？ 如果真係有心想升讀大學
花多d時間研究科目資料仲好啦
另外有一班人企系某位置等朋友  呢班人如果自己唔需要報asso 其實無咩問題
但如果自己要報asso 但為左等朋友而遲左排隊 最後連位都無埋
等朋友真係唔知有咩意義
最可悲既係 見到有d人甚至拖埋家長過黎報asso 真係替佢地父母痛心
成18，19歲人都仲要父母擔心自己
到時畢左業係咪又要帶埋父母去見工呢？

其實放榜呢一日 正正係告訴大家 呢個世界既現實
只要努力付出  1定要回報  可以享受到自己既成果

但懶惰既人 呢個世界係無人會可憐  AL失敗左可能要承受 一世既痛苦
永遠為學位奔命   如果讀唔掂asso  轉top up  
試諗下咁辛苦？點解唔中7 努力少少 唔洗行一條辛苦既路

仲有好多人好迷茫 唔知點做  
其實大家都係成年人  要識好好善用資源啦
放榜應點做   自己plan定

就算唔識plan  最少都 搵下有咩途徑搵到幫手
我推介學友社 比大家  我諗好多人都識呢個網啦 所有資訊 都可以系度搵到 非常好用
 http://student.hk/
學友社



當大家有晒準備 就要努力行自己想要既路啦！


唔掂既話 大不了咪打工  學位貶值  打工亦未嘗不可

 

工作分享

今日想分享少少自己做過既工  雖然唔多啦 但都算比自己重溫下自己既社會工作經驗！


意粉屋－侍應
當初見工同fd 膽粗粗 walk in 見工  本身諗住做full time
但佢唔請 靜係請part time （應該見我無經驗） 即見即請
一去到就第一樣係學拎托盤 超難 好難平衡
一個餐廳侍應有幾個位：門口，收銀，傳菜，其餘都係企某幾個位 收碟 set台 落order等
我拎左半個鐘隻手已經超痛 又唔識平衡 結果經理都唔係幾信任我拎野
最後變左去傳菜 d菜有d 熱到癲 但都要忍  仲要記台號  成日都搞錯台號
如果做收銀仲有tips 可惜tips 多數係公家tips full time先有
遲到要罰 ＄2 一分鐘   換左衫先比打卡    同 打左卡先比換衫
我記得第1日收工 累到完全企唔到 隻手又超痛咁
同埋做侍應 多數都係女仔新人 好少男仔新人
另外有入bar台 沖野飲  識沖基本奶茶咖啡朱古力
做第2晚 已經一個人守住 bar台  我都唔知點解  好彩頂得住 無“lum檔” （即係狂出飛 但未做好）
做侍應好既係 包飯食   又有無限野飲  不過無得禁電話 同埋 夜晚唔知點解經理晚晚都買pizza hut返黎請大家食  成間鋪都幾融洽  
返工係返 11 －11 裡面其中 10個鐘為一更
可惜我做左一陣就走左


賣書
呢個真係一個唔悅快既經歷  係一間呃人既書商
位置係 旺角E2 出口 一出 望到既 樓上書店 好似3／f定4／f
寫就寫店務員 我以為幫手執書或者賣書  點知佢話 要收夠 50本先有得繼續做
果陣唔識野 賣晒自己d書比佢 （好低價） 另外問過下d fd 賣書（不過d fd唔肯賣）
返左一陣就覺得自己比人呃  完全無糧出  佢請人只係想搵人幫佢收書
我事後都知好多人都比佢呃  勁想周圍唱衰佢 可惜唔想晒自己時間


倉務
見呢份工好奇妙 明明有幾十人見工  而我係最後果個
一見完我就同我講 呢壘見工既人裡面最想請係我 結果就做左  其實係倉務＋辦公室助理
做既係信用卡公司  即係商場見到 sell人信用卡 果類
我主要負責 set場同收場    自己call 貨van 去全港各商場 set場或者收場
早上set場 中午就去各 銀行 交申請表   夜晚就收場
好處係 一日8成時間都係搭緊車 無咩野做  有野做果陣就比較辛苦
1個場裡面有台有登  又有banner  等等  要1個人推車拎晒
經常要走 商場貨lift 同保安室等  同埋學識CALL 貨van
返9－7 或者 2－12  都做左幾個月 算好長同埋好充實
同埋去過好多地方 當travel下香港咁  同埋都算吃左好多苦 有時做到出晒汗
但都仲要繼續頂   有時出汗唔係因為做得辛苦 只係環境太熱  未做都出左汁
1上貨van 或者返公司 即刻舒服晒＠＠
同埋都算了解左 信用卡既運作


派傳單
好多人都1定做過派傳單 但我做呢個有少少唔同
係傳銷公司 有公司專車去唔同地方派  一日要派好多個地方
例如掃工廠大廈 或者 中環律師樓  睇咩產品為主
但多數都係派 屋苑既信箱 好似郵差咁
每日都去唔同既地方  好多時間都係搭車  同埋派得好舒服
做左一排就無做  同埋做派傳單  個supervisior 一定check下你 有無認真派
9成既後生仔都一定唔想派  實玩野咁偷懶  我都唔例外
亦有比人捉到  咁都無辦法既     
不過派果陣 只要有誠意同微笑咁派 實有人肯收   
當中亦有人肯自己過黎拎


neway
我都做左幾個月neway 我主要做夜晚 一開頭負責執下房既野 再慢慢學落order
neway無touch mon，要背bar 再拉卡 先入到機 所以要背下d code
執房一定要好快同埋要好乾淨 如果執得唔好 實有人會發現到 
所以每次執都1定會盡量check清楚有無執漏 
仲要定時 巡下每間房人數岩唔岩 
主要既post有幾個： 門口，野飲，野食，巡房 有時要做埋buffet位整野食
做野飲比較辛苦 因為超多野飲要送  我最多可以1次過拎 13杯野飲  1個trend
同埋好慶幸做neway 未試過比人鬧／倒瀉野
做野食就可以狂偷食  有時會成班員工一齊偷食客人d野
但果陣世界杯 非常辛苦 有超多單
本身做7－12  但成日都要ot
最快 半年可以升到經理（即係打tie）  黃色係初級
愈彩色就愈高級 
長工既夜晚 係高人工過日頭果d   同堆黃tie經理人工都唔算高
員工之間都好fd  成日都有function搞  免費join
好埋好易識晒所有人  雖然服務業都好似有怨氣 同粗口
但其實大家關係好融洽 我都覺得好開心


補習－小5 ，小2 ，小4，中6 ，中7 國際學校－中5 中4，小6
以上係我補過既習既年級  補習都無咩特別講
只係一開始去到要分清楚 果個家長 願唔願意 放錢補習
如果好願意 係補得舒服d  如果唔願意 要好chur 係咁睇實你補成點
調堂果d都成日有 但好麻煩 要互相就 
同埋出糧有d準時 有d好耐
最好揀近果d  遠果d真係唔抵補
最好1定要近地鐵站  如果遠地鐵站要行或者搭車  要好耐 或者 要預早d時間搭 結果好晒時間
仲有當有自己唔識既野，就試下盡量避面講
如果一定要講 就唯有認唔識 遲d再答
仲有如果補高form  一定要準備得好足 唔想好似呃錢咁 會有唔識




會展宴會部
返8－12  如果要ot執野就可能2點   ot有埋野食
通常做大show  咩咩典禮咁樣   頭半個鐘要執下野    到個show開始 有人辭致就等
等一個鐘度 再做野   執下碟咁樣  同埋d人傳完菜就要分送 唔多野做   要過多陣就走得
出糧準時
會展最特別係 拍卡係用掌紋卡 都幾特別
超多人一齊做 全部人都好懶 同埋鐘意指指點點  當自己大佬
同埋偷懶無人會記得 因為太多人
但唔可以偷食  會罰錢


酒店炒散
同會展差唔多 唔同既係 差唔多9成都係婚禮  大部份時間有野睇下 唔怕悶
不過d人就多數比較老  
有d好好人  見過有人著左衫黎做 結果個人比返車錢佢走 （其實唔需要比錢佢都得）
同埋出糧即paid都幾好
不過做得好夜 次次收工都好夜走 返到屋企會好累 你會開始發覺人生無咩意義咁


扮公仔
都幾高人工 宣傳某活動   公仔裡面有冷氣 但好鬼悶都 都有d 熱
加埋行動都非常不便   但個感覺幾好  應該試一次就會悶
同埋著衫脫衫都好麻煩  1定要去定廁所先換衫
另外公仔旁 會有人派傳單  多數係後生d
同埋有人黎同你握手或者影相會幾開心
你會望到所有行過既人都會望住你




TVB 臨記
系將軍澳某巴士站集合 跟住會有巴士直去 電視城 
＄110  一日   去到先知比fd昆左  我由夜晚6點做到4點
不過都係一個唔錯既體驗
見到好多藝人  鄭嘉穎 阮兆祥 楊思琪 陳豪 黃德斌 等等
同埋見到好多唔同既拍攝既場景 民初街呀  城門呀 同埋唔同既錄影廠
發覺原來d 出名既藝人 好多都係深夜拍戲
同埋拍5分鐘既鏡頭  起碼要等5個鐘準備
我10個鐘裡面 有8個鐘都係等only
去做臨記既人 非常古怪  因為得＄110 但我見到好多 後生果d 都系度拍
仲好比心記做  可能係博出位
但當然都有一堆 行為好古怪 或者係d 無所事事既人系度
我果陣就拍 陳豪既 心戰  好似就黎上  扮DJ 都係企下 無咩特別
但同過1個 合約演員傾過計 佢都好比心記做  好享受做演員  雖然佢都悶
但一埋位佢就開心投入自己角色  幾欣賞佢




拍賣行 圖錄銷售員
做佳士得 既秋季拍賣  系會展搞  見到非常多既 有錢人
同埋望到拍賣既過程  都幾得意
我負責sell  拍賣圖錄  一本都好貴  幾百蚊本
但請太多helper  有好多時都可以偷懶
同埋要收錢  錢銀上要好小心處理
收錯就要貼   工作中都識左好多人
原來好多做會展既人都係 外國回流返黎  唔知點解咁岩係咁
好多都係好後生 
人工都ok  包埋2餐飯  有時要做十幾個鐘  都做得好開心


考評局 評估行理助理
負責做 校本評核 去唔同學校 幫手 分d試卷比d老師 同埋收返d 試卷
人工都幾好paid 做一個上午或者一個下午 
另外都有做過 系等候室 點名 同埋 帶人去考室 
都可以同d miss 傾下計 幾好
最開心係可以入返小學或者中學   同一個好似老師咁角色咁入去
個感覺好特別  同堆可以去多d唔同既學校


AIA HR INTERN
其實講真 做得保險都呃人   表面係4個月合約 其實只係用我 十個鐘都無  係4個月
裡面十個鐘都無    幫佢搞下d講座 幫手搵人填form  點下名等等  
其實好輕鬆  但點解連 title都要呃人..  大家都係小心保險好d
不過好既係 我都識到班fd  同埋都算考左保險牌 （我都唔明點解hr要考 其實係呃我考姐）
人工時薪非常高  可惜做得好短  同埋係去各大院校宣傳 招聘會咁 都好玩既


會展－珠寶展
呢份job就好似一般d 珠寶展咁做helper  但今次有d唔同
因為又係遇到d 怪既顧主
我本身負責係派傳單   點知原來係要續間派  仲要拎埋business card 我仲要係扮 珠寶買家
都幾得意
目的係想 叫d booth既人 宣傳我間公司有專業人材提供比你請helper
我而家先知 會展既人工 比人食水足足有一半咁多
都好過份   當中無點識人  因為好獨立工作
但都蛇王得好辛苦 仲要比人捉到  嚇死我
最後都算 完左份工  出左糧就以後唔聯絡果個人了


海洋公園
初頭做果陣 以為係做 攤位遊戲  點知原來係坐office  
幫手check數  數錢  整理文件等  都幾free 無任何壓力   但超多野做
每日做既野都做唔晒   同埋系公園裡面做 既感覺都好特別
最正係員工餐  超平 超多送 同超好味！  d人都好nice 
我返得好舒服  但人工就唔算理想既   不過叫做住先  都開心既
仲有可以認識左好多海洋公園 內部門票既運作
同埋可以免費玩下裡面所有野   好正
 

某內地銀行實習
呢個有少少特別 就係讀u果陣 返左大陸做實習
其實都係系銀行度行行企企  無咩特別  最特別係 可以以職員身份去睇一間銀行
呢個感覺 係顧客無可能睇到
同埋一間銀行既每日運作  真係要企系度成日先會知得更清楚
咁都算見識左唔少野既
同埋d經理真係追quota追得好辛苦  但都好好人 唔算有攻心計
加上大陸銀行超難入  1定要識人先入到   只靠成績實無咩可能
做實習之餘都玩左好多野既   又試左見下客  整下文件  見識下內部咁
仲去埋金庫 真係好正


以上就係我d 經歷啦  當然有d 打得好短 唔係唔想打既  係1時唔知點講好
有d做得好長  有d好短 各有唔同  但我總算講晒我做過既所有job la！！