最近好耐都無打交章了 不知大家搵工搵到點
相信有班人應該出左糧了吧！！ 通常office工會係1號出糧
飲食業既工會係 7號出糧 點解唔同時間？因為就返個會計要結算人工
例如你係paid 月薪 咁多數1號出 paid 時薪果d 就7號
另外講左咁耐搵工 我遲d會再update更多搵工資料
今日講下放榜日子
有人考得好 等升u 有人考得差 唔知點算
考得差既人可以考慮：
重考DSE, 讀asso／hd, IVE, 大陸／外國／ 工作
揀咩其實都無所謂 最緊要諗清楚自己係咪揀得岩
唔好讀完先後悔
今日系某大學 行過 見到 人山人海 個個爭住報asso
但係 我睇到幾樣野
個個約晒自己班好朋友黎一齊報asso 好似黎旅行咁 嘻嘻哈哈
到底有幾多個真係著緊自己前途？ 如果真係有心想升讀大學
花多d時間研究科目資料仲好啦
另外有一班人企系某位置等朋友 呢班人如果自己唔需要報asso 其實無咩問題
但如果自己要報asso 但為左等朋友而遲左排隊 最後連位都無埋
等朋友真係唔知有咩意義
最可悲既係 見到有d人甚至拖埋家長過黎報asso 真係替佢地父母痛心
成18，19歲人都仲要父母擔心自己
到時畢左業係咪又要帶埋父母去見工呢？
其實放榜呢一日 正正係告訴大家 呢個世界既現實
只要努力付出 1定要回報 可以享受到自己既成果
但懶惰既人 呢個世界係無人會可憐 AL失敗左可能要承受 一世既痛苦
永遠為學位奔命 如果讀唔掂asso 轉top up
試諗下咁辛苦？點解唔中7 努力少少 唔洗行一條辛苦既路
仲有好多人好迷茫 唔知點做
其實大家都係成年人 要識好好善用資源啦
放榜應點做 自己plan定
就算唔識plan 最少都 搵下有咩途徑搵到幫手
我推介學友社 比大家 我諗好多人都識呢個網啦 所有資訊 都可以系度搵到 非常好用
http://student.hk/
學友社
當大家有晒準備 就要努力行自己想要既路啦！
唔掂既話 大不了咪打工 學位貶值 打工亦未嘗不可
2012年5月15日 星期二
工作分享
今日想分享少少自己做過既工 雖然唔多啦 但都算比自己重溫下自己既社會工作經驗！
意粉屋－侍應
當初見工同fd 膽粗粗 walk in 見工 本身諗住做full time
但佢唔請 靜係請part time （應該見我無經驗） 即見即請
一去到就第一樣係學拎托盤 超難 好難平衡
一個餐廳侍應有幾個位：門口，收銀，傳菜，其餘都係企某幾個位 收碟 set台 落order等
我拎左半個鐘隻手已經超痛 又唔識平衡 結果經理都唔係幾信任我拎野
最後變左去傳菜 d菜有d 熱到癲 但都要忍 仲要記台號 成日都搞錯台號
如果做收銀仲有tips 可惜tips 多數係公家tips full time先有
遲到要罰 ＄2 一分鐘 換左衫先比打卡 同 打左卡先比換衫
我記得第1日收工 累到完全企唔到 隻手又超痛咁
同埋做侍應 多數都係女仔新人 好少男仔新人
另外有入bar台 沖野飲 識沖基本奶茶咖啡朱古力
做第2晚 已經一個人守住 bar台 我都唔知點解 好彩頂得住 無“lum檔” （即係狂出飛 但未做好）
做侍應好既係 包飯食 又有無限野飲 不過無得禁電話 同埋 夜晚唔知點解經理晚晚都買pizza hut返黎請大家食 成間鋪都幾融洽
返工係返 11 －11 裡面其中 10個鐘為一更
可惜我做左一陣就走左
賣書
呢個真係一個唔悅快既經歷 係一間呃人既書商
位置係 旺角E2 出口 一出 望到既 樓上書店 好似3／f定4／f
寫就寫店務員 我以為幫手執書或者賣書 點知佢話 要收夠 50本先有得繼續做
果陣唔識野 賣晒自己d書比佢 （好低價） 另外問過下d fd 賣書（不過d fd唔肯賣）
返左一陣就覺得自己比人呃 完全無糧出 佢請人只係想搵人幫佢收書
我事後都知好多人都比佢呃 勁想周圍唱衰佢 可惜唔想晒自己時間
倉務
見呢份工好奇妙 明明有幾十人見工 而我係最後果個
一見完我就同我講 呢壘見工既人裡面最想請係我 結果就做左 其實係倉務＋辦公室助理
做既係信用卡公司 即係商場見到 sell人信用卡 果類
我主要負責 set場同收場 自己call 貨van 去全港各商場 set場或者收場
早上set場 中午就去各 銀行 交申請表 夜晚就收場
好處係 一日8成時間都係搭緊車 無咩野做 有野做果陣就比較辛苦
1個場裡面有台有登 又有banner 等等 要1個人推車拎晒
經常要走 商場貨lift 同保安室等 同埋學識CALL 貨van
返9－7 或者 2－12 都做左幾個月 算好長同埋好充實
同埋去過好多地方 當travel下香港咁 同埋都算吃左好多苦 有時做到出晒汗
但都仲要繼續頂 有時出汗唔係因為做得辛苦 只係環境太熱 未做都出左汁
1上貨van 或者返公司 即刻舒服晒＠＠
同埋都算了解左 信用卡既運作
派傳單
好多人都1定做過派傳單 但我做呢個有少少唔同
係傳銷公司 有公司專車去唔同地方派 一日要派好多個地方
例如掃工廠大廈 或者 中環律師樓 睇咩產品為主
但多數都係派 屋苑既信箱 好似郵差咁
每日都去唔同既地方 好多時間都係搭車 同埋派得好舒服
做左一排就無做 同埋做派傳單 個supervisior 一定check下你 有無認真派
9成既後生仔都一定唔想派 實玩野咁偷懶 我都唔例外
亦有比人捉到 咁都無辦法既
不過派果陣 只要有誠意同微笑咁派 實有人肯收
當中亦有人肯自己過黎拎
neway
我都做左幾個月neway 我主要做夜晚 一開頭負責執下房既野 再慢慢學落order
neway無touch mon，要背bar 再拉卡 先入到機 所以要背下d code
執房一定要好快同埋要好乾淨 如果執得唔好 實有人會發現到
所以每次執都1定會盡量check清楚有無執漏
仲要定時 巡下每間房人數岩唔岩
主要既post有幾個： 門口，野飲，野食，巡房 有時要做埋buffet位整野食
做野飲比較辛苦 因為超多野飲要送 我最多可以1次過拎 13杯野飲 1個trend
同埋好慶幸做neway 未試過比人鬧／倒瀉野
做野食就可以狂偷食 有時會成班員工一齊偷食客人d野
但果陣世界杯 非常辛苦 有超多單
本身做7－12 但成日都要ot
最快 半年可以升到經理（即係打tie） 黃色係初級
愈彩色就愈高級
長工既夜晚 係高人工過日頭果d 同堆黃tie經理人工都唔算高
員工之間都好fd 成日都有function搞 免費join
好埋好易識晒所有人 雖然服務業都好似有怨氣 同粗口
但其實大家關係好融洽 我都覺得好開心
補習－小5 ，小2 ，小4，中6 ，中7 國際學校－中5 中4，小6
以上係我補過既習既年級 補習都無咩特別講
只係一開始去到要分清楚 果個家長 願唔願意 放錢補習
如果好願意 係補得舒服d 如果唔願意 要好chur 係咁睇實你補成點
調堂果d都成日有 但好麻煩 要互相就
同埋出糧有d準時 有d好耐
最好揀近果d 遠果d真係唔抵補
最好1定要近地鐵站 如果遠地鐵站要行或者搭車 要好耐 或者 要預早d時間搭 結果好晒時間
仲有當有自己唔識既野，就試下盡量避面講
如果一定要講 就唯有認唔識 遲d再答
仲有如果補高form 一定要準備得好足 唔想好似呃錢咁 會有唔識
會展宴會部
返8－12 如果要ot執野就可能2點 ot有埋野食
通常做大show 咩咩典禮咁樣 頭半個鐘要執下野 到個show開始 有人辭致就等
等一個鐘度 再做野 執下碟咁樣 同埋d人傳完菜就要分送 唔多野做 要過多陣就走得
出糧準時
會展最特別係 拍卡係用掌紋卡 都幾特別
超多人一齊做 全部人都好懶 同埋鐘意指指點點 當自己大佬
同埋偷懶無人會記得 因為太多人
但唔可以偷食 會罰錢
酒店炒散
同會展差唔多 唔同既係 差唔多9成都係婚禮 大部份時間有野睇下 唔怕悶
不過d人就多數比較老
有d好好人 見過有人著左衫黎做 結果個人比返車錢佢走 （其實唔需要比錢佢都得）
同埋出糧即paid都幾好
不過做得好夜 次次收工都好夜走 返到屋企會好累 你會開始發覺人生無咩意義咁
扮公仔
都幾高人工 宣傳某活動 公仔裡面有冷氣 但好鬼悶都 都有d 熱
加埋行動都非常不便 但個感覺幾好 應該試一次就會悶
同埋著衫脫衫都好麻煩 1定要去定廁所先換衫
另外公仔旁 會有人派傳單 多數係後生d
同埋有人黎同你握手或者影相會幾開心
你會望到所有行過既人都會望住你
TVB 臨記
系將軍澳某巴士站集合 跟住會有巴士直去 電視城
＄110 一日 去到先知比fd昆左 我由夜晚6點做到4點
不過都係一個唔錯既體驗
見到好多藝人 鄭嘉穎 阮兆祥 楊思琪 陳豪 黃德斌 等等
同埋見到好多唔同既拍攝既場景 民初街呀 城門呀 同埋唔同既錄影廠
發覺原來d 出名既藝人 好多都係深夜拍戲
同埋拍5分鐘既鏡頭 起碼要等5個鐘準備
我10個鐘裡面 有8個鐘都係等only
去做臨記既人 非常古怪 因為得＄110 但我見到好多 後生果d 都系度拍
仲好比心記做 可能係博出位
但當然都有一堆 行為好古怪 或者係d 無所事事既人系度
我果陣就拍 陳豪既 心戰 好似就黎上 扮DJ 都係企下 無咩特別
但同過1個 合約演員傾過計 佢都好比心記做 好享受做演員 雖然佢都悶
但一埋位佢就開心投入自己角色 幾欣賞佢
拍賣行 圖錄銷售員
做佳士得 既秋季拍賣 系會展搞 見到非常多既 有錢人
同埋望到拍賣既過程 都幾得意
我負責sell 拍賣圖錄 一本都好貴 幾百蚊本
但請太多helper 有好多時都可以偷懶
同埋要收錢 錢銀上要好小心處理
收錯就要貼 工作中都識左好多人
原來好多做會展既人都係 外國回流返黎 唔知點解咁岩係咁
好多都係好後生
人工都ok 包埋2餐飯 有時要做十幾個鐘 都做得好開心
考評局 評估行理助理
負責做 校本評核 去唔同學校 幫手 分d試卷比d老師 同埋收返d 試卷
人工都幾好paid 做一個上午或者一個下午
另外都有做過 系等候室 點名 同埋 帶人去考室
都可以同d miss 傾下計 幾好
最開心係可以入返小學或者中學 同一個好似老師咁角色咁入去
個感覺好特別 同堆可以去多d唔同既學校
AIA HR INTERN
其實講真 做得保險都呃人 表面係4個月合約 其實只係用我 十個鐘都無 係4個月
裡面十個鐘都無 幫佢搞下d講座 幫手搵人填form 點下名等等
其實好輕鬆 但點解連 title都要呃人.. 大家都係小心保險好d
不過好既係 我都識到班fd 同埋都算考左保險牌 （我都唔明點解hr要考 其實係呃我考姐）
人工時薪非常高 可惜做得好短 同埋係去各大院校宣傳 招聘會咁 都好玩既
會展－珠寶展
呢份job就好似一般d 珠寶展咁做helper 但今次有d唔同
因為又係遇到d 怪既顧主
我本身負責係派傳單 點知原來係要續間派 仲要拎埋business card 我仲要係扮 珠寶買家
都幾得意
目的係想 叫d booth既人 宣傳我間公司有專業人材提供比你請helper
我而家先知 會展既人工 比人食水足足有一半咁多
都好過份 當中無點識人 因為好獨立工作
但都蛇王得好辛苦 仲要比人捉到 嚇死我
最後都算 完左份工 出左糧就以後唔聯絡果個人了
海洋公園
初頭做果陣 以為係做 攤位遊戲 點知原來係坐office
幫手check數 數錢 整理文件等 都幾free 無任何壓力 但超多野做
每日做既野都做唔晒 同埋系公園裡面做 既感覺都好特別
最正係員工餐 超平 超多送 同超好味！ d人都好nice
我返得好舒服 但人工就唔算理想既 不過叫做住先 都開心既
仲有可以認識左好多海洋公園 內部門票既運作
同埋可以免費玩下裡面所有野 好正
某內地銀行實習
呢個有少少特別 就係讀u果陣 返左大陸做實習
其實都係系銀行度行行企企 無咩特別 最特別係 可以以職員身份去睇一間銀行
呢個感覺 係顧客無可能睇到
同埋一間銀行既每日運作 真係要企系度成日先會知得更清楚
咁都算見識左唔少野既
同埋d經理真係追quota追得好辛苦 但都好好人 唔算有攻心計
加上大陸銀行超難入 1定要識人先入到 只靠成績實無咩可能
做實習之餘都玩左好多野既 又試左見下客 整下文件 見識下內部咁
仲去埋金庫 真係好正
以上就係我d 經歷啦 當然有d 打得好短 唔係唔想打既 係1時唔知點講好
有d做得好長 有d好短 各有唔同 但我總算講晒我做過既所有job la！！
意粉屋－侍應
當初見工同fd 膽粗粗 walk in 見工 本身諗住做full time
但佢唔請 靜係請part time （應該見我無經驗） 即見即請
一去到就第一樣係學拎托盤 超難 好難平衡
一個餐廳侍應有幾個位：門口，收銀，傳菜，其餘都係企某幾個位 收碟 set台 落order等
我拎左半個鐘隻手已經超痛 又唔識平衡 結果經理都唔係幾信任我拎野
最後變左去傳菜 d菜有d 熱到癲 但都要忍 仲要記台號 成日都搞錯台號
如果做收銀仲有tips 可惜tips 多數係公家tips full time先有
遲到要罰 ＄2 一分鐘 換左衫先比打卡 同 打左卡先比換衫
我記得第1日收工 累到完全企唔到 隻手又超痛咁
同埋做侍應 多數都係女仔新人 好少男仔新人
另外有入bar台 沖野飲 識沖基本奶茶咖啡朱古力
做第2晚 已經一個人守住 bar台 我都唔知點解 好彩頂得住 無“lum檔” （即係狂出飛 但未做好）
做侍應好既係 包飯食 又有無限野飲 不過無得禁電話 同埋 夜晚唔知點解經理晚晚都買pizza hut返黎請大家食 成間鋪都幾融洽
返工係返 11 －11 裡面其中 10個鐘為一更
可惜我做左一陣就走左
賣書
呢個真係一個唔悅快既經歷 係一間呃人既書商
位置係 旺角E2 出口 一出 望到既 樓上書店 好似3／f定4／f
寫就寫店務員 我以為幫手執書或者賣書 點知佢話 要收夠 50本先有得繼續做
果陣唔識野 賣晒自己d書比佢 （好低價） 另外問過下d fd 賣書（不過d fd唔肯賣）
返左一陣就覺得自己比人呃 完全無糧出 佢請人只係想搵人幫佢收書
我事後都知好多人都比佢呃 勁想周圍唱衰佢 可惜唔想晒自己時間
倉務
見呢份工好奇妙 明明有幾十人見工 而我係最後果個
一見完我就同我講 呢壘見工既人裡面最想請係我 結果就做左 其實係倉務＋辦公室助理
做既係信用卡公司 即係商場見到 sell人信用卡 果類
我主要負責 set場同收場 自己call 貨van 去全港各商場 set場或者收場
早上set場 中午就去各 銀行 交申請表 夜晚就收場
好處係 一日8成時間都係搭緊車 無咩野做 有野做果陣就比較辛苦
1個場裡面有台有登 又有banner 等等 要1個人推車拎晒
經常要走 商場貨lift 同保安室等 同埋學識CALL 貨van
返9－7 或者 2－12 都做左幾個月 算好長同埋好充實
同埋去過好多地方 當travel下香港咁 同埋都算吃左好多苦 有時做到出晒汗
但都仲要繼續頂 有時出汗唔係因為做得辛苦 只係環境太熱 未做都出左汁
1上貨van 或者返公司 即刻舒服晒＠＠
同埋都算了解左 信用卡既運作
派傳單
好多人都1定做過派傳單 但我做呢個有少少唔同
係傳銷公司 有公司專車去唔同地方派 一日要派好多個地方
例如掃工廠大廈 或者 中環律師樓 睇咩產品為主
但多數都係派 屋苑既信箱 好似郵差咁
每日都去唔同既地方 好多時間都係搭車 同埋派得好舒服
做左一排就無做 同埋做派傳單 個supervisior 一定check下你 有無認真派
9成既後生仔都一定唔想派 實玩野咁偷懶 我都唔例外
亦有比人捉到 咁都無辦法既
不過派果陣 只要有誠意同微笑咁派 實有人肯收
當中亦有人肯自己過黎拎
neway
我都做左幾個月neway 我主要做夜晚 一開頭負責執下房既野 再慢慢學落order
neway無touch mon，要背bar 再拉卡 先入到機 所以要背下d code
執房一定要好快同埋要好乾淨 如果執得唔好 實有人會發現到
所以每次執都1定會盡量check清楚有無執漏
仲要定時 巡下每間房人數岩唔岩
主要既post有幾個： 門口，野飲，野食，巡房 有時要做埋buffet位整野食
做野飲比較辛苦 因為超多野飲要送 我最多可以1次過拎 13杯野飲 1個trend
同埋好慶幸做neway 未試過比人鬧／倒瀉野
做野食就可以狂偷食 有時會成班員工一齊偷食客人d野
但果陣世界杯 非常辛苦 有超多單
本身做7－12 但成日都要ot
最快 半年可以升到經理（即係打tie） 黃色係初級
愈彩色就愈高級
長工既夜晚 係高人工過日頭果d 同堆黃tie經理人工都唔算高
員工之間都好fd 成日都有function搞 免費join
好埋好易識晒所有人 雖然服務業都好似有怨氣 同粗口
但其實大家關係好融洽 我都覺得好開心
補習－小5 ，小2 ，小4，中6 ，中7 國際學校－中5 中4，小6
以上係我補過既習既年級 補習都無咩特別講
只係一開始去到要分清楚 果個家長 願唔願意 放錢補習
如果好願意 係補得舒服d 如果唔願意 要好chur 係咁睇實你補成點
調堂果d都成日有 但好麻煩 要互相就
同埋出糧有d準時 有d好耐
最好揀近果d 遠果d真係唔抵補
最好1定要近地鐵站 如果遠地鐵站要行或者搭車 要好耐 或者 要預早d時間搭 結果好晒時間
仲有當有自己唔識既野，就試下盡量避面講
如果一定要講 就唯有認唔識 遲d再答
仲有如果補高form 一定要準備得好足 唔想好似呃錢咁 會有唔識
會展宴會部
返8－12 如果要ot執野就可能2點 ot有埋野食
通常做大show 咩咩典禮咁樣 頭半個鐘要執下野 到個show開始 有人辭致就等
等一個鐘度 再做野 執下碟咁樣 同埋d人傳完菜就要分送 唔多野做 要過多陣就走得
出糧準時
會展最特別係 拍卡係用掌紋卡 都幾特別
超多人一齊做 全部人都好懶 同埋鐘意指指點點 當自己大佬
同埋偷懶無人會記得 因為太多人
但唔可以偷食 會罰錢
酒店炒散
同會展差唔多 唔同既係 差唔多9成都係婚禮 大部份時間有野睇下 唔怕悶
不過d人就多數比較老
有d好好人 見過有人著左衫黎做 結果個人比返車錢佢走 （其實唔需要比錢佢都得）
同埋出糧即paid都幾好
不過做得好夜 次次收工都好夜走 返到屋企會好累 你會開始發覺人生無咩意義咁
扮公仔
都幾高人工 宣傳某活動 公仔裡面有冷氣 但好鬼悶都 都有d 熱
加埋行動都非常不便 但個感覺幾好 應該試一次就會悶
同埋著衫脫衫都好麻煩 1定要去定廁所先換衫
另外公仔旁 會有人派傳單 多數係後生d
同埋有人黎同你握手或者影相會幾開心
你會望到所有行過既人都會望住你
TVB 臨記
系將軍澳某巴士站集合 跟住會有巴士直去 電視城
＄110 一日 去到先知比fd昆左 我由夜晚6點做到4點
不過都係一個唔錯既體驗
見到好多藝人 鄭嘉穎 阮兆祥 楊思琪 陳豪 黃德斌 等等
同埋見到好多唔同既拍攝既場景 民初街呀 城門呀 同埋唔同既錄影廠
發覺原來d 出名既藝人 好多都係深夜拍戲
同埋拍5分鐘既鏡頭 起碼要等5個鐘準備
我10個鐘裡面 有8個鐘都係等only
去做臨記既人 非常古怪 因為得＄110 但我見到好多 後生果d 都系度拍
仲好比心記做 可能係博出位
但當然都有一堆 行為好古怪 或者係d 無所事事既人系度
我果陣就拍 陳豪既 心戰 好似就黎上 扮DJ 都係企下 無咩特別
但同過1個 合約演員傾過計 佢都好比心記做 好享受做演員 雖然佢都悶
但一埋位佢就開心投入自己角色 幾欣賞佢
拍賣行 圖錄銷售員
做佳士得 既秋季拍賣 系會展搞 見到非常多既 有錢人
同埋望到拍賣既過程 都幾得意
我負責sell 拍賣圖錄 一本都好貴 幾百蚊本
但請太多helper 有好多時都可以偷懶
同埋要收錢 錢銀上要好小心處理
收錯就要貼 工作中都識左好多人
原來好多做會展既人都係 外國回流返黎 唔知點解咁岩係咁
好多都係好後生
人工都ok 包埋2餐飯 有時要做十幾個鐘 都做得好開心
考評局 評估行理助理
負責做 校本評核 去唔同學校 幫手 分d試卷比d老師 同埋收返d 試卷
人工都幾好paid 做一個上午或者一個下午
另外都有做過 系等候室 點名 同埋 帶人去考室
都可以同d miss 傾下計 幾好
最開心係可以入返小學或者中學 同一個好似老師咁角色咁入去
個感覺好特別 同堆可以去多d唔同既學校
AIA HR INTERN
其實講真 做得保險都呃人 表面係4個月合約 其實只係用我 十個鐘都無 係4個月
裡面十個鐘都無 幫佢搞下d講座 幫手搵人填form 點下名等等
其實好輕鬆 但點解連 title都要呃人.. 大家都係小心保險好d
不過好既係 我都識到班fd 同埋都算考左保險牌 （我都唔明點解hr要考 其實係呃我考姐）
人工時薪非常高 可惜做得好短 同埋係去各大院校宣傳 招聘會咁 都好玩既
會展－珠寶展
呢份job就好似一般d 珠寶展咁做helper 但今次有d唔同
因為又係遇到d 怪既顧主
我本身負責係派傳單 點知原來係要續間派 仲要拎埋business card 我仲要係扮 珠寶買家
都幾得意
目的係想 叫d booth既人 宣傳我間公司有專業人材提供比你請helper
我而家先知 會展既人工 比人食水足足有一半咁多
都好過份 當中無點識人 因為好獨立工作
但都蛇王得好辛苦 仲要比人捉到 嚇死我
最後都算 完左份工 出左糧就以後唔聯絡果個人了
海洋公園
初頭做果陣 以為係做 攤位遊戲 點知原來係坐office
幫手check數 數錢 整理文件等 都幾free 無任何壓力 但超多野做
每日做既野都做唔晒 同埋系公園裡面做 既感覺都好特別
最正係員工餐 超平 超多送 同超好味！ d人都好nice
我返得好舒服 但人工就唔算理想既 不過叫做住先 都開心既
仲有可以認識左好多海洋公園 內部門票既運作
同埋可以免費玩下裡面所有野 好正
某內地銀行實習
呢個有少少特別 就係讀u果陣 返左大陸做實習
其實都係系銀行度行行企企 無咩特別 最特別係 可以以職員身份去睇一間銀行
呢個感覺 係顧客無可能睇到
同埋一間銀行既每日運作 真係要企系度成日先會知得更清楚
咁都算見識左唔少野既
同埋d經理真係追quota追得好辛苦 但都好好人 唔算有攻心計
加上大陸銀行超難入 1定要識人先入到 只靠成績實無咩可能
做實習之餘都玩左好多野既 又試左見下客 整下文件 見識下內部咁
仲去埋金庫 真係好正
以上就係我d 經歷啦 當然有d 打得好短 唔係唔想打既 係1時唔知點講好
有d做得好長 有d好短 各有唔同 但我總算講晒我做過既所有job la！！
2012年5月5日 星期六
暑期工 － 搵工分享 （2）
暑期到底搵幾多錢先合理呢？平時大家見到m記或者kfc都有請人
但人工頂多都係 ＄28－＄30
1日做8個鐘 1個月做20日左右
30＊8＊20 ＝ ＄4800
咁4800 呢筆錢 算唔算多呢？
如果做1份侍應或者sales 基本上都1定有7000 以上 但就未必多過一萬 （有經驗sales另計）
一出糧扣埋 搭車食飯 買到電話都已經無左
建議大家最好搵d 工係 包埋飯鐘錢 或者包飯食 咁起碼慳到好多
另外講下見工 等通知既問題
通常見完工有3個情況：
一，你覺得佢請硬你 in得幾好 又問你幾時返得工
二，你覺得未必請 因為好多人in 自己又唔算in得好
三，你覺得實唔請 因為in得好差 同埋佢態度唔好
其實以上呢3個情況 都未必估到佢請唔請你
可能你係in得超好 但都一樣可以唔請
可能你係in得好差 但可以無啦啦咁都請左你
搵工就係咁神奇 運氣其實比較重要
所以大家即使in得唔好 或者覺得in得差 唔緊要 都有機會請既
一般都叫你返去等消息 到底等幾耐呢？ 規定上就係2個weeks內
但其實1個week都唔搵你 就9成唔請架啦
如果請 應該3日內就會有消息 大家要有定心理準備
既然係咁 大家最好in多幾份 唔好靜係in 1份 盲目咁等 因為競爭實在太大
同埋未返過工既人 就唔好介意人工太過低
at least 要有d 工作經驗 先慢慢搵 高d人工
跟住講下 辭職點算 （可能有人想做做下 轉另一份正d既工）
成日都聽唔少 d人做做下就走 train都未train完 搞到間公司好麻煩
其實辭職的確係 非常尬尷既事 但要大膽開口 最緊要傾清楚 同埋比d時間公司準備請人頂你個位 唔好突然唔做 又或者特別博炒 咁係非常不智 因為呢個世界真係好細
可能你會好易撞返 曾經一齊工作過既同事 雖然唔做 最起碼都留低令人覺得好既印象
辭職 最少都早一星期通知 最好半個月前已經有暗示 但又唔可以比人知你 轉第2份工
或者 特登想 抖下 唔返工 會比人覺得印象差
建議最佳理由係 要去長期旅行 又或者報左某某課程讀 要日日返 最好係 表現到自己仲係好想繼續做 好可惜有其他事搞到要辭職
＊如果暑假完左果陣先辭職 當然係輕鬆講 要返學啦
＊如果暑假完左果陣先辭職 當然係輕鬆講 要返學啦
辭職都無咩特別 最緊要大膽講就ok 佢都明白唔係請長工 實預左你走
做左2、3日覺得唔岩自己都要講定先 無謂勉強
當然最好都挨落去啦 份份都辛苦 唔會有工係好輕鬆 就算有 都1定無意義
比著你做保安 你都唔想做啦
咁岩講起保安 講下保安牌 只要夠18歲 就可以考保安牌 最快可以1星期內就有
考試費幾百蚊 不等
咁呢個網就 250蚊 包晒上堂加考試 考完之後你就可以考慮做 全職保安 定係 兼職保安
即係報紙搵到果d 或者 去d獵頭公司 人工非常好 3xx － 6xx都有 最少做10－12個鐘
有興趣既人都可以試下
跟住再講下補習啦！ 有d人都成日嫌人工低 又辛苦 到底有咩工係 輕輕鬆鬆 又高人工呢？ 就係補習啦！
如果你係考完AL CE考得唔錯（特別係要中英數） 你都可以考慮補習） 英文人工最高 可能有120蚊1個鐘 通常補個半鐘 至 2個鐘
抽佣通常抽頭2個星期
如果1星期補1堂 就即係抽2堂
如果1星期補3堂 就即係抽6堂
（係會好唔著數 但可以長久咁補）
最好揀d 近自己location 同埋補長時間少少
＄70／hr 補2個鐘 ＝ ＄140
係會好過 ＄80 補1.5個鐘 ＝ ＄120
因為坐多一陣就賺多20 其實好著數
大家絕對可以考慮下
如果你係大專ive hd asso， 即使可能你al ce 成績唔好 其實都一樣可以補習 補d 低form d就唔會介意成績 一樣會搵到
至於如果你係考完dse 咁點算呢“？又無ce成績 又無補習經驗 其實都唔緊要 一樣可以照搵 不過會難少少 但起碼可以拎經驗 同埋人工其實唔會差太遠
補充埋：補習女仔超著數！ 8成既工都指定要求女仔補 男既就要努力d去搵
至於點樣開始？ 首先介紹左你d補習網先
香港導師會
EC TUTOR
香港導師街
創思補習中心
以上4個都非常出名 全部都註冊晒就ok 再狂留言 好快就會有人打比你補習
當然 如果你想要更多 請去google search
“補習” 或者“tutor” 都可以搵到更多補習社
而講起補習 我都補過好多學生 又係得閒分享下
另外可能有d人話想做補習社果d assistant 播下碟 做reception 又或者去補習社度做補習老師
其實都得 不過要work in 問
assistant 大約＄35－＄50 一個鐘 睇咩補習社 而做補習老師 補專術應該唔得 但補小學生既功課輔導班 應該都ok 最緊要大膽去問
當然如果你有其他技能 考琴 考畫 考結他 心算 等等 都一樣可以去補習班或者網上搵 人工更加會非常高！
我諗搵工要注意既野 我都講得7788 之後打blog會分享下自己做過既工（自己諗返都好似有超過20份＠＠） 如果有野想我分享 都可以同我講聲既
2012年4月29日 星期日
中伏之王 - 轉貼特別篇
事前聲明， 以下既野 唔係我自己打出黎 只係轉貼
不過我自己其實都有去過呢2間公司 COM同ENG 大致既描述 同以下內容差唔多
當然我自己有fd都仲做緊 希望唔好再有人中伏
大家搵暑期工都係想賺下錢 學下野
但呢份工 真係 又要著晒suit 又假 又無野 又識唔到
轉貼前 睇左呢2段片先
（咩係eng 咩係com？ eng同com 都係個間公司名黎 性質都係相近，）22-8-2011 警訊 暑期工陷阱 傳銷騙案
搵工變讀書 學費萬萬聲
高薪招聘陷阱專呃青年
http://hk.apple.nextmedia.com/template/apple/art_main.php?iss_id=20110909&sec_id=4104&subsec=12731&art_id=15598293
好啦！！ 開始轉貼 （我另外會改少少資料）
旺角ENG公司-解秘
公司簡介:
呢間公司,只係一個平台,主要係SELL一D美容產品,文憑課程,英語課程
冇底薪,純佣金,多勞多得.不得不否認,你肯做,薪金會可觀.偏半層壓式
架構大慨:
銷售員<高級銷售員<主任< consult < S.consult
傭金會按職級比例分,做野係一TEAM人咁配合
你搵到人來幫手,你都可以建立自己既團隊,俗稱"起TEAM"
首先,你唔洗好正式咁見工做入職,有人介紹你就得
你上到去,佢D,主任,consult,會同你介紹下公司,跟住會叫你聽講座
又不斷搵主任同你做分享,話香港依家出邊搵食好難,大學生都係搵一萬
話係到前景好好,比心機做就有好成就
("有人話:佢以上既野係洗你腦,將佢地既思想同諗法灌輸作為你既思想
等你認同佢地先,變成佢地既一份子)
跟住,佢會叫你選擇SELL既範圍,但,你先要自己比錢試左D產品先,價錢大慨$10000多D
因為親身試過,會好SELL好多,如果你唔夠錢,唔緊要,佢會教你搵財務公司或其他機構做免息分期
("有人話:你咁樣係先成為佢地既客戶,佢地先食你一筆傭金,你先再工作搵錢,因為佢咁樣做
同佢係出邊搵客手績一樣,佢地應該係有傭金)
("亦都有人話:咁樣係先投資,後搵錢,合理,等如自己生意,呢個工作亦都係一盤生意,唔係非一般既工作)
再者, 佢會比個LIST你,叫你寫低你朋友既名同電話,寫完之後,你KEEP一份,佢印一份
一開始先SELL你D朋友,俗稱WARM CALL.幫你既朋友去改善外觀同進修
("有人話:呢個工作係用朋友對你既信心去換錢,你既朋友愈信你,你就愈容易做成一單生意
傳閒有D職員,SELL朋友個陣,同佢講:你唔係認為我會為個幾千港幣厄你掛.等等句子
某程度上,搵朋友笨)
外界部份人士對ENG有以下評 論
1.呢個公司賣既野,唔係咁實用
2.入邊亦都唔小人士好似睇唔起部份公司以外既人,而且性格,態度傲慢,搵得錢多目中無人
3.部份職員,包括高層人士,個人缺乏內涵,並且眼光短淺,觀點不宏觀,沒什麼專長.
4.某程度上,搵朋友笨(至於產品對佢實唔實用,睇情況)
5.入邊好多職員其實都比佢老闆點左,唔太清楚自己做既野係唔係岩,因為已洗腦
亦有人士分析ENG目前有以下 壞處
1.工作不踏實,太hea,非主流而不充實,事後再出外競爭難,要再習慣主流工作亦比較辛苦
2.架構發展太快,供應多於市場需求,情況如持續,內部會爭飯食
3.當愈來愈多人成為主任,consult等比較高層人員,可以不用工作亦有收入,
仲有n樣
1. 正式請你先俾 ID 卡副本 / 地址證明
2. CV 個人資料唔洗提供 ID 卡號碼,地址,年齡 .. 留手提 / email 就得
3. 除非廣告中有地址,電話,見到公司用 ymail / gmail 可以不理 (我中過招 , 原來係買個人資料)
4. 無底薪工作一定要拒絕 (義工除外)
5. 裝程式擋垃圾電話...
貼圖中個幾位人兄d對話 ,英文程度真係 goodest English .. 連 Course 都串錯
轉貼來源＊http://forum3.hkgolden.com/view.aspx?type=BW&message=3696639
我岩岩上網搵到呢個留言版.....其實我一路以黎都有search下關於呢間公司既野....我而家係一個大學生....上年都俾呢間公司呃過....我好想share返我既經歷俾大家....希望大家唔好再信呢間野....盡快令到佢倒閉!!!
話說有一日,收到我一個同學既電話...(都好fd,所以我一路都好信任佢...)佢話知我搵緊工...話有份工介紹俾我,咁我完全無懷疑咁就俾佢約左第二日上左去.....
其實成個過程都係呢間公司一貫既手法....首先就約你係地鐵站等,之後你個fd就會叫你到既時候打俾佢....跟住等左一大輪...(我之後真正開始做 野個陣就知原來係玩心理....因為你個人愈等就愈想做呢份工...)之後上到去....有個人同你(扮)interview...又話因為你有人介紹, 所以已經請左,所以呢個interview係直接同你講要做d咩....如果唔係要排隊等in,仲要等好耐....而你個fd呢個時候就會符和.... (呢個又係玩心理....佢地叫你個fd做”B”…A係負責講解所有野,而B就負責配合…)…之後就會好快咁約你聽日再上黎…話會俾個training俾 你…..(佢地約人多數會係星期一,二呢d時間….因為星期五約你,佢地驚你星期六,日改變主意…星期一,二就可以有足夠既時間去同你”洗腦”…)
如是者….之後就上左幾日training….日日都係咁搵好多人同你講話你點點點無前途….讀大學出到黎都未必搵到錢….又話而家通脹….你畢業出黎都未必搵到錢等等…..)不斷咁同你洗腦……..
洗左3,4日….開始入”戲肉”la….係洗腦既過程中不斷會有人同你講你既皮膚點唔好….你d英文點差….(因為佢地係做”教育”同”美容”….)…之 後就有個人會同你講…..你正式開工,仲會同你set好哂target….幾耐會幫你搵幾多錢….不過….你一定要自己親身試左d產品先,因為你唔試就唔 知有幾好….就唔識點set….仲話你自己唔同左,就係一個最好既selling pt!!跟住就會好快咁同你講要點點點…點樣sell….點樣起team….升super…上consult等等….最終既目的都係要你俾錢….咁我一聽 到要俾錢已經好唔想….之後就話無錢….聽日先…..之後佢就問有幾個多都可以俾住先….(驚你一去無回頭,俾住d先….)之後就同你上去報名同俾 錢…..
跟住我返到屋企…..諗左好耐,好想算數…..點知夜晚個fd打黎….係咁叫我唔好放棄,呢個係一個機會….(心理戰既其中一part…)咁我當時都係好 信個fd….就信左佢….join左美容…$13000…開頭我話無咁多,佢仲叫我去財務公司借…..仲話一定要去”邦民”….因為唔會寄信去你屋 企…..不過我點都唔肯….所以我只係出左幾千….其餘既叫我個fd幫我俾住先….之後搵到先還返俾佢……就黎咁就正式開工na~~~~
到左正式開工既日子….佢地首先要你寫一份人名單….將你識既人既電話都寫哂落去…..無電話既有名都要你寫左先…..之後佢地就影低一份keep record…..(而家諗返都好對唔住我d fd)….之後就叫我開始打俾d fd….開頸唔係叫你sell….係叫你搵人上黎….仲有人教你點講….對話內容係咁ge:
我:喂,xxx丫…你係咪搵緊工丫?
xxx:係丫…..
我:我有份工介紹wo….
Xxx:咩工黎ga??
我:無丫…都係幫手搞下d open-day,做下d升學講座同問卷調查……
Xxx:係丫….咁幾錢人工ga?
我:唔知丫…個個唔同….要視乎返你想做d咩同返幾多….不如我約左你上黎見左經理先na….聽日x點好唔好?
Xxx:聽日唔得wo……
我:有d咩緊要得過見工丫?我經理得聽日得閒…..唔好諗na….就聽日x點na….
Xxx:好na~咁聽日見!!
(以上全部內容有專人教既…..仲要你綵排過…熟哂先俾你打…驚你俾人識穿….)
跟住既工作都係好似之前俾人約個陣咁na…..叫個fd係地鐵站等….仲要佢等下先….之後先俾佢上黎….扮interview…..etc.
去到你自己開始sell野個part na…..佢開頭唔會叫你即刻sell….會叫你打俾d fd先….(佢地;叫呢d做”聯誼”….目的係博取朋友既信任…)之後先會叫你約佢地….目的係令佢地俾錢報埋d垃圾course…..你就有 commission收…..係你做既過程會不斷有人協助你….eg:搵人扮課程主任同你夾口供….總之就無所不用其極…..內容我諗大家係其他討論區都 睇過….唔多講la…..最後我知呢份工如果要賺錢就要呃d fd報名….我唔想無哂朋友….同埋我過唔到自己良心….所以做左半個月就無做…..我自己俾左幾千蚊…..我個fd個d我都無諗住還俾佢…..咪當俾個 教訓佢….我打左咁多野唔係專登要抹黑呢間公司…..只係分享我既經歷….大家自己諗清楚…..正所謂” 有人辭官歸故里,有人漏夜趕科場”,如果你認同我,唔想你d fd俾人呃….就將我既經歷forward俾你既同學,朋友….希望大家團結,唔好再俾其他人去俾呢間公司呃…….
轉貼來源＊http://www.discuss.com.hk/redirect.php?tid=12452757&goto=lastpost
反ENG blog
http://gb.tovery.net/anti_eng/
以上全部只係轉貼，簡單d講 未做既朋友 千奇唔好做
做緊既人 唔好怕 勇敢d去拒絕 大家眼中都只係搵錢工具 無感情可言
希望大家小心啦！2012年4月20日 星期五
暑期工 － 中伏系列
講完咁多可以揀既工 到底有咩工好易中伏呢？
通常中伏既工得一個特徵
就係無底薪 白做
有咩工？
傳銷 推銷果d工 就最多
記住 xx推廣 有推廣呢2個字都死得 或者咩咩市場助理
市場呢2個字又係死得
promotor果d 都好易出事
點解？ 因為佢地主要都係無底薪 但佣又唔算好高 當然做得好 梗係好好搵
但我好相信 搵暑期工既大家 絕對唔岩做呢類工既
另外就係 保險同基金啦 基本上都係不斷上training 同埋考牌 考得黎你暑期都完左
呢類其實都唔算好岩 除非你有心呢行發展啦
講返推銷先
推銷最多1定係 教育同美容 sell人 乜乜課程 就有幾多佣
呢d其實難度好高 同埋坦白講 好多課程都係呃人
自己搵唔到錢之餘 又要埋沒良心去呃人 唔建議做！
當然我唔否認 有d課程 真係幫到人 又無欺騙既 否則點會咁大個market
但搵暑期工 最好搵 有底薪啦 有保障d！
當中表表者 就1定係 ENG 同COM啦 出晒名 上左報紙呃人
佢地首先請你講 佢係乜乜經理 旗下幾多人 成個公司有幾多
自己搵幾多萬 （有d會拎埋ipad 同你傾） 多數拎張1張紙 ＋1張筆
好坦白話你知 佢地好明顯係層壓式咁搵錢 不斷 收下線 係咁收人 下屬搵錢 再分錢
不斷分上去 愈滾愈大 就會 月入幾多萬 多勞多得 等等。。 講自己 學歷無乜 但都搵到好多萬一個月 聽落好amazing 好激勵到你 但其實大家諗深一層
呢個世界好現實 1分錢1分貨 邊有咁易搵到 十萬八萬 否則就無人掃街啦
所以大家要認真了解果行做d乜 岩唔岩自己
仲有佢地會有好多 training比你 有d 免費 有d甚至 要你比錢 呃埋你
大家真係諗清楚 你係搵緊工 唔係去上堂 所以有親training 都要小心 特別要上幾個week果d
所以唔建議做推銷
另外仲有基金都好相似 就係乜乜金融機構呀 乜乜保險呀 其實都係玩緊 cold call （即係亂打電話sell人） 同call center 一樣 即係電話推廣助理呀，電話客戶推廣員呀，不斷打電話sell人
仲要唔比 電話list你 要你求其up 1個電話 例如 9000 0001 打上去 9000 0002 不斷打 續個試
真係會悶死你
有d好既電話sales 會有底薪比你 例如＄35 或者 ＄40 1個鐘
有d衰既 真係完全無佣 又係白做 大家要小心
仲有樣好相似既 就係問卷啦 即係 旺角 豉油街 成日見到果d 問卷調查員
又係分2類 1d 續張問卷計錢 1d有時薪 有d甚至要你做完問卷繼續 sell 人
所以大家 1聽到要sell野 特別小心！！ 好易中伏
除非係做緊 鋪頭 賣衫果d sales 雖然要跑數 但比較安全
另外有少少個人分享 我自己中過另一隻伏係做 神秘顧客
聽完好似好得意咁 其實果陣 我係扮 神秘顧客 去 試探 某間 教育機構 既sales得唔得
但最後我發現 佢都係想呃我 去聽佢sell我報課程 仲要無出糧比我
好彩都係 2個鐘 唔係太蝕既 但我知 呃人手法 層出不窮
仲有另一種 暑期工大熱門 就係賣書啦！！
我諗大家可能都經歷過有人上門拍門話 要 收書
其實賣書 亦都係另一隻sales黎 仲要好大壓力 不斷追quota 同埋迫自己fd 賤價賣書
佢地會請 無限人 因為通常底薪好低 佣又好低 （因為主要恰d學生）
1定賺得唔多 同埋好辛苦
大家見到 店務員 唔好以為 系間書店裡面做 其實可能要到處去街外收書 所以要小心！！
而寬頻sales 果類 又做唔做得過呢？
呢隻都係推廣既 同sell 課程美容有d 類似 不過主要都係企街同洗樓
洗樓即係 你要潛入 唔同既屋苑 續家續戶拍門 sell野
人工雖然ok 但係非常辛苦 仲要受到好多人白眼
做之前都係要諗清楚！
其實呢幾類工 佢地都有一個共同點
就係僱主會請無限人！！ 因為底薪低 或者 根本無底薪
又比佣你 又1定會賺 所以都會非常辛苦
而且大家都知道 sell野 有一半都係呃呃哄哄 有d未必過到自己關口
所以大家都係揀d 穩定有底薪工作會好d！！
當然，另一面睇 做呢類工 其實磨練自己都算唔錯 因為非常刻苦
做過會體驗到 社會黑暗既一面既！！ 未試過都可以趁後生試下！！ 但預左中伏啦！
2012年4月19日 星期四
暑期工 － 咩工好做？
其實做暑期工唔係考完AL 就係DSE 或者係其他 HIGH DIP ASSO 既人
心態我諗都係賺下錢，拎下經驗，考完公開試無所事事搵野hea下或者藉住返工識下fd
咁之前都講過 返得既工 我諗9成都係 SALES／ 侍應／ 貨倉／ 跟車／速遞 ／ 傳單
今次就講下呢幾份工有咩特別啦
SALES
其實sales 工時好長， 你好少見part time sales靜係返 4粒鐘或者6粒鐘（連鎖店例如uniqlo除外） 通常係1返 1返日 11點－9點 （咁上下），返咁耐 其實企足咁耐 自問頂得順 先好返（不過好老實 除左office， 大部份既工都係全程企） 1定會企得超辛苦 不過慣左會無野
sales 的確可以練下口才 又都要求你有一定既普通話同英文 否則 好難會請你
同埋sales 好處係 可以識好多人 可以擴闊圈子 但唔好處係 可能會有好多小圈子 唔岩玩既話 系人際關係上會過得好苦
同埋sales 普遍都相對高人工既 無佣果d 時薪較高 有佣 時薪低 但其實 勤力1定賺得好多
但2隻都要跑數架啦（即係追quota） 承受唔到壓力，又無咩口才 sales應該唔岩你
sales 會比客鬧 亦都會比客讚 如果同公司d人熟 其實hehe haha 好快過一日 會幾開心 同埋買衫褲都有折 亦都會好悶 日日摺衫 不斷重覆
唔好處 真係 全日返工都比晒公司 1定無時間約fd玩 特別返full time果d 多數要返6日 得1日off
呢點要留意下
補充少少 想做sales 點搵呢，通常都係 IT, 馬沙, uniqlo, 馬拉松, 運動家, addidas, nike, 波鞋街, 量角女人街, 先達, 豐澤, 百老匯, 和記電訊, 寬頻電視, gucci, channel, chocolate 等等
有上網apply，亦有walkin， walkin問最方便 （要夠大膽 入去問）
注意： 通常都要1年經驗， 但仍然可以去in 博1博 等人用會請 唔等人用 有經驗都唔請
侍應
侍應其實都好辛苦， 首先要企成日， 其次係要唔怕污糟 執頭執尾 掃地 抹刀叉 洗廁所等
同埋重點係 傳菜 傳野飲 （賣水）非常辛苦 初頭隻手會超痛 因為好考平衡力 如果打爛野好易比人炒 整到客人件衫 甚至要破 都有d壓力
當然 如果做得耐左 企慣左， 拎慣左 唔會痛 都會幾輕鬆 同埋都好似sales咁 好易識人
只不過一個係賣口 1個係賣勞力
侍應初頭 只係執野 客人黎之前要set台 黎到要落單 落單前要賣晒menu 包括 英文， 仲要識禁機 或者背code 客人走 要馬上收拾張台 等下個客 慢左1定比人鬧
同埋侍應呢行 d人性格好暴粗 好易郁d爆粗 大家要習慣下
人工方面 人工唔高 除非做高級野 或者酒店炒散 不過好處係 包飯鐘， 包飯食 同 無限野飲 （通常）
侍應好似要萬能咁 乜都要做 用盡一切辦法去滿足客人需要
同埋個腦要轉得快 夠醒目 先唔會比人鬧 都ok受氣 做前要考慮下
但我會覺得會磨練唔少 想拎經驗既野 絕對可以試下
補充下有咩適合呢？ 椰林闊，意粉屋，pizza hut，neway，沙爹王同所有既餐廳 咩都得
最好walkin搵 等人甚至即請 搵工果陣記得帶相
貨倉
咁貨倉通常都係工廠區 或者 葵涌做既 咁都係辛苦命 係咁搬野
當然要特別注重 搬野技巧 例如： 身體貼緊搬既貨物 同埋要量力而為 傷左就好大獲
無得返工之餘 可能無得賠醫藥費
有d有冷氣 有d無冷氣 唔1定全程都搬野 有時候可能 有2－3個鐘 空閒時間無野做
又或者1早搬晒 等收工都有 至於好唔好做就睇人工啦 低就唔好啦
跟車
跟車 1係分 跟公司車 1係要自己call車 如果自己call車 就要 記低d貨車公司電話
主要負責 pack野上車 同落貨 可能要運埋上去office
要識得點pack 先落得晒所有貨
最正就係 搭緊車可以休息 9成時間都搭緊車 其實都幾好做
速遞
通常都係拖車拎袋 行街果隻 拎到死 辛苦程度都幾高 每日都要行好多路 同埋要搵
無得點休息 不過都有時間搭車果陣休息下既
都係負責送文件 送信 送物件 去唔同既地方 可能做死1條line
好唔好做 都係同貨倉一樣 睇人工啦 低就唔好做啦
其實仲有大把工種可以講既 我仲有好多野想講
不過留待下次啦
簡單黎講 作為暑期工 建議你有工請 就做住先 千奇唔好嫌棄 嫌嫌下 可能就1直都搵唔到工架啦 同埋返得工 辛苦就預左 唔係點會出糧比你 每份工都有唔容易既地方 最緊要enjoy你既工作 即使受氣 都唔好當工作好慘好辛苦 盡量做好自己 拎下社會經驗啦
心態我諗都係賺下錢，拎下經驗，考完公開試無所事事搵野hea下或者藉住返工識下fd
咁之前都講過 返得既工 我諗9成都係 SALES／ 侍應／ 貨倉／ 跟車／速遞 ／ 傳單
今次就講下呢幾份工有咩特別啦
SALES
其實sales 工時好長， 你好少見part time sales靜係返 4粒鐘或者6粒鐘（連鎖店例如uniqlo除外） 通常係1返 1返日 11點－9點 （咁上下），返咁耐 其實企足咁耐 自問頂得順 先好返（不過好老實 除左office， 大部份既工都係全程企） 1定會企得超辛苦 不過慣左會無野
sales 的確可以練下口才 又都要求你有一定既普通話同英文 否則 好難會請你
同埋sales 好處係 可以識好多人 可以擴闊圈子 但唔好處係 可能會有好多小圈子 唔岩玩既話 系人際關係上會過得好苦
同埋sales 普遍都相對高人工既 無佣果d 時薪較高 有佣 時薪低 但其實 勤力1定賺得好多
但2隻都要跑數架啦（即係追quota） 承受唔到壓力，又無咩口才 sales應該唔岩你
sales 會比客鬧 亦都會比客讚 如果同公司d人熟 其實hehe haha 好快過一日 會幾開心 同埋買衫褲都有折 亦都會好悶 日日摺衫 不斷重覆
唔好處 真係 全日返工都比晒公司 1定無時間約fd玩 特別返full time果d 多數要返6日 得1日off
呢點要留意下
補充少少 想做sales 點搵呢，通常都係 IT, 馬沙, uniqlo, 馬拉松, 運動家, addidas, nike, 波鞋街, 量角女人街, 先達, 豐澤, 百老匯, 和記電訊, 寬頻電視, gucci, channel, chocolate 等等
有上網apply，亦有walkin， walkin問最方便 （要夠大膽 入去問）
注意： 通常都要1年經驗， 但仍然可以去in 博1博 等人用會請 唔等人用 有經驗都唔請
侍應
侍應其實都好辛苦， 首先要企成日， 其次係要唔怕污糟 執頭執尾 掃地 抹刀叉 洗廁所等
同埋重點係 傳菜 傳野飲 （賣水）非常辛苦 初頭隻手會超痛 因為好考平衡力 如果打爛野好易比人炒 整到客人件衫 甚至要破 都有d壓力
當然 如果做得耐左 企慣左， 拎慣左 唔會痛 都會幾輕鬆 同埋都好似sales咁 好易識人
只不過一個係賣口 1個係賣勞力
侍應初頭 只係執野 客人黎之前要set台 黎到要落單 落單前要賣晒menu 包括 英文， 仲要識禁機 或者背code 客人走 要馬上收拾張台 等下個客 慢左1定比人鬧
同埋侍應呢行 d人性格好暴粗 好易郁d爆粗 大家要習慣下
人工方面 人工唔高 除非做高級野 或者酒店炒散 不過好處係 包飯鐘， 包飯食 同 無限野飲 （通常）
侍應好似要萬能咁 乜都要做 用盡一切辦法去滿足客人需要
同埋個腦要轉得快 夠醒目 先唔會比人鬧 都ok受氣 做前要考慮下
但我會覺得會磨練唔少 想拎經驗既野 絕對可以試下
補充下有咩適合呢？ 椰林闊，意粉屋，pizza hut，neway，沙爹王同所有既餐廳 咩都得
最好walkin搵 等人甚至即請 搵工果陣記得帶相
貨倉
咁貨倉通常都係工廠區 或者 葵涌做既 咁都係辛苦命 係咁搬野
當然要特別注重 搬野技巧 例如： 身體貼緊搬既貨物 同埋要量力而為 傷左就好大獲
無得返工之餘 可能無得賠醫藥費
有d有冷氣 有d無冷氣 唔1定全程都搬野 有時候可能 有2－3個鐘 空閒時間無野做
又或者1早搬晒 等收工都有 至於好唔好做就睇人工啦 低就唔好啦
跟車
跟車 1係分 跟公司車 1係要自己call車 如果自己call車 就要 記低d貨車公司電話
主要負責 pack野上車 同落貨 可能要運埋上去office
要識得點pack 先落得晒所有貨
最正就係 搭緊車可以休息 9成時間都搭緊車 其實都幾好做
速遞
通常都係拖車拎袋 行街果隻 拎到死 辛苦程度都幾高 每日都要行好多路 同埋要搵
無得點休息 不過都有時間搭車果陣休息下既
都係負責送文件 送信 送物件 去唔同既地方 可能做死1條line
好唔好做 都係同貨倉一樣 睇人工啦 低就唔好做啦
其實仲有大把工種可以講既 我仲有好多野想講
不過留待下次啦
簡單黎講 作為暑期工 建議你有工請 就做住先 千奇唔好嫌棄 嫌嫌下 可能就1直都搵唔到工架啦 同埋返得工 辛苦就預左 唔係點會出糧比你 每份工都有唔容易既地方 最緊要enjoy你既工作 即使受氣 都唔好當工作好慘好辛苦 盡量做好自己 拎下社會經驗啦
2012年4月8日 星期日
暑期工 搵工分享
每逢差唔多去到暑假，都會有好多人搵暑期工，但其實好多人都應該未有工作經驗，所以想分享下有咩特別要注意。
大家搵暑期工之前，首先要準備幾樣野先
1.
CV/ Resume (履歷表)+ Cover Letter
2.
證件相
3.
面試問題
4. 銀行戶口
1. CV + Cover letter
CV係非常之重要, 絕對唔可以求其,1份好既CV唔1定會加分,但1份差既CV 1定會扣分!
所以要小心整理好自己既CV
SAMPLE如下:
履歷表
個 人 資 料
|
姓 名:
|
尹浩恭 (Wan Ho Kung, Steve) |
| 地 址: | 香港同昇街同昇大廈十九樓A室 |
| 電 話 號 碼: | 9113 XXXX / 2112 XXXX |
| 電郵地址: | stevewan@xxx.com.hk |
申 請 職 位 文員
學歷
| 2000-2005 |
香港協一中學 (中一至中五) |
香 港 中 學 會 考 成 績
| 2005 |
中國語文 |
D | 生物 | E |
|
英國語文(課程乙) |
C | 地理 | E | |
|
數學 |
E | 電腦 | D | |
|
經濟 |
E |
工作經驗
| 2005年 5月 至 8月 |
臨時文員 (高昇貿易公司) |
課 外 活 動
| 2003- 2004 |
中文學會幹事 |
| 2000- 2005 |
香港紅十字會青年團團員 |
技能
| 中英文打字: |
中文每分鐘40字，英文每分鐘50字 |
| 電腦技能: | MS Word, Excel, PowerPoint |
| 語言能力: | 流利廣東話、英語及普通話 |
上任日期
| 可立即上工 |
Ho Siu Ling (何小羚)
Flat A, 10/F., High View Mansion,
Hong Kong Lane, Hong Kong.
Contact numbers: 9000 XXXX / 2323 XXXX
E-mail address: siulingho@xxx.com.hk
Flat A, 10/F., High View Mansion,
Hong Kong Lane, Hong Kong.
Contact numbers: 9000 XXXX / 2323 XXXX
E-mail address: siulingho@xxx.com.hk
| POSITION APPLIED FOR |
| EMPLOYMENT HISTORY |
| 12/2003-Present |
Assistant Administrative Officer, Hong Kong Company Limited Job duties
|
||||||||
| 7/2002-12/2003 |
Administrative Assistant, BCB Company Limited Job duties
|
| EDUCATION AND ACADEMIC QUALIFICATIONS |
| 2000 – 2002 | Associate of Business Administration, Hong Kong School of Commerce | ||||||||||||||||
| 1998 – 2000 |
St. Marvel College (Form 6 – Form 7) Hong Kong Advanced Level Examination (2000)
|
||||||||||||||||
| 1993 – 1998 |
Novel Secondary School (Form 1 – Form 5) Hong Kong Certificate of Education Examination (1998)
|
| LANGUAGES AND SKILLS |
|
|
| REFERENCES |
以上格式只係參考勞工處,可以根據自己喜好隨意修改,但最BASIC要有齊以上資料
而COVER LETTER 即係求職信 唔1定有,但大家想知多D 可以去勞工處個網睇
因為大家搵既暑期工雖然都係 飲食業,服務業為主 通常唔需要求職信既 直接有CV就OK
* 注意 如果上面既會考成績同工作經驗都無,可以唔洗填
2. 證件相
通常大家都未必有證件相,所以求職之前1定要搵定, 每次INTERVIEW 都要比1張, 返得成可能要2-3張 大家要準備定, 如果無相既話 會比人覺得你好似準備唔夠, 最少影定半打至一打
3. 面試技巧
面試就好似考ORAL咁, 1定要準備 30秒-1分鐘 既自我介紹 中,英,普 都要 練熟佢
因為如果自我介紹都準備唔好, 會令人覺得你無誠意
以下係面試問題既參考
1. 請介紹一下自己。
| ‧ | 資料應與工作相關 |
2. 你覺得自己有什麼優點？
| ‧ | 應針對應徵職位所需的技能及經驗，集中簡述與工作相關的長處 |
3. 你覺得自己有什麼缺點？
| ‧ | 應避重就輕，只提出一、兩個對工作影響性不大，及與所應徵工作要求無關的缺點 |
| ‧ | 優點和缺點有時是觀點與角度的問題。提出缺點的同時，可以它正面之處作補充 |
4. 你有什麼嗜好和興趣？
| ‧ | 盡量講及與工作特性有關的嗜好及興趣 |
| ‧ | 就能夠顯示自己長處及成就的興趣發揮 |
5. 請講述一下你的工作經驗？
| ‧ | 舉例說明當時的職責，用事例證明自己的工作經驗和成就 |
| ‧ | 如缺少工作經驗，可講述曾接受過的訓練及擁有的技能並連繫到申請的工作上 |
6. 你為什麼申請這份職位？
| ‧ | 說明該職位、機構及行業吸引你的地方 |
| ‧ | 具備職位要求的資歷及條件亦應該是你申請該職位的其中一個原因，故可考慮加以說明 |
| ‧ | 說明該職位及機構如何配合你本身對工作的興趣、前途的期望、發揮機會等 |
7. 你對我們公司有什麼認識？你為什麼希望到我們公司工作？
| ‧ | 可講述對公司的認識及行業的概況，以藉此表現對該工作的興趣和熱誠 |
| ‧ | 切記在面試前搜集和熟讀該公司和行業的資料 |
8. 你是否願意擔任輪班 / 超時工作 / 往來內地工作？
| ‧ | 可按自己的實際情況回答，但不應表現得太斤斤計較 |
| ‧ | 除非有實際困難，否則應表示在合理的情況下可以接受 |
9. 你為什麼想離開現職或離開上一份工作？你為什麼經常轉工？
| ‧ | 如有客觀的原因如公司結業，不妨直說，但切勿說謊。 |
| ‧ | 理由必須積極正面 |
| ‧ | 如離職理由是基於積極求進，如尋求事業發展的機會、汲取新的工作經驗及技能等，不妨向主考人言明 |
| ‧ | 你應強調如何把轉職所累積的經驗及所學的運用在這份工作上 |
| ‧ | 在交代轉職的決定時，切忌惡意批評過往的僱主或同事、或就對工作的需要如加班、調遷等表示不滿，以免令主考人留下負面的印象。 |
10. 你短期內有沒有進修計劃？
| ‧ | 簡述你的進修計劃，特別是與申請職位相關的 |
| ‧ | 亦可強調願意修讀與申請職位和行業有關之課程 |
| ‧ | 有進修計劃多數會令僱主認為你較積極上進，但切勿誇大或虛構有關資料 |
11. 假設性問題，如你會如何應付一些無理取鬧的客人？若與上司/同事間有衝突，你會怎樣處理？
| ‧ | 這類問題多數與實際的工作處境有關，以評估你的應變能力和反應 |
| ‧ | 憑藉過往的工作經驗或訓練，運用常識及專業技巧，嘗試回答 |
12. 時事問題，如社會熱門話題、政府政策
| ‧ | 讓主考人了解你的觀點及見識 |
| ‧ | 表達個人意見時應保持理性客觀 |
| ‧ | 若主考人不同意你的觀點，不需加以反駁，應平心靜氣地與他討論 |
13. 你的希望待遇是多少？
| ‧ | 如你已就市場薪酬作調查及自定底線，不妨直接提出要求薪金 |
| ‧ | 但亦應考慮其他因素，如員工福利、假期、培訓及晉升機會等，彈性地與僱主磋商 |
14. 你有什麼問題要詢問嗎？
| ‧ | 應徵者應把握機會，發問一些跟申請職位及公司有關的問題，以表現自己對該職位的熱誠及興趣 |
| ‧ | 應避免發問有關員工福利的問題 |
如果大家有心去搵一份工,以上其實最基本要準備好, 但無都唔緊要, 因為我講過 暑期工主要都係 服務業同飲食業 ,面試無咁嚴
SALES: 中英普自我介紹 + 唔同情況既處理方法 + 即場搵1樣野SALE 例如係自己件衫,或者對方件衫
貨倉, 地盤, 傳單, 侍應: 其實上面試 可以算係無咁濟 因為如果等人用 就會必請
文職: 如果係文職工作 例如係辦公室助理 就要準備下以上既問題啦
服務業: 都係傾下計 了解下你 唔洗特別準備
因為大家都係無工作經驗, 所以面試唔會咁嚴 多數等人用就會請
面試衣著都唔需要好FORMAL 著晒西裝
簡單恤衫 長褲 就OK SMART LOOK
唔好T- SHIRT 同潮衫 (見SALES除外)
千奇唔好短褲 因為短褲會令人感覺無咁成熟
面試注意事項:
面試是雙向的過程。對求職人士來說，面試是一個在僱主面前表現自己、推銷自己、爭取受聘的好機會。僱主會在面試中觀察及評估求職人士是否有能力及誠
意擔任有關職位、以至是否適合在該公司工作。同時，求職人士亦可透過面試去了解所應徵職位的職責，僱主的要求及公司文化，評估自己能否勝任及職位是否配合
自己的工作期望。
獲邀參加面試，表示你的條件初步能符合公司的要求及職位的需要。因此，你應好好把握機會，積極準備，在面試時盡量表現自己，令面試主考人認定你是最適合的人選。
面試形式個人面談
| ‧ | 是最常見的面試形式 |
| ‧ | 由一位或一組主考人向應徵者發問 |
小組面談
| ‧ | 由一位或一組主考人向數位應徵者發問，並引導他們互相討論或輪流回答提問 |
| ‧ | 題目未必與申請職位有關，或會以時事為主 |
| ‧ | 僱主一般旨在測試應徵者的思考能力、表達技巧、應變能力、領導才能等特質 |
技能測試
| ‧ | 測試應徵者是否具備工作所要求的知識和技能，如中英文打字，電腦操作測試、試做應徵工作的部分工序等 |
| ‧ | 常用於一些實務性較強的工作 |
其他測試
| ‧ | 如中英文筆試、數字運算測試、能力傾向測試等 |
面試前準備
內在篇
| ‧ | 搜集所申請的職位及機構的相關資料，例如工作性質及要求、行業概況、發展前景等 |
| ‧ | 就所申請的職位，檢討自己的性格、能力及長處短處，考慮如何揚長補短，以應付主考人就有關方面的提問 |
| ‧ | 練習與申請職位有關的技能 (如中英文打字、電腦軟件的應用等) |
| ‧ | 重看在求職信及履歷表上提供的資料，避免前後矛盾 |
| ‧ | 就熱門面試問題準備具體的答案，並多加操練，以增強自信心，減低於面試時因心情緊張而表現失準的可能性 |
| ‧ | 多留意時人時事和熱門話題 |
| ‧ | 預備一些關於申請職位及機構的問題，以便在面試結束前向主考人發問 |
| ‧ | 面試前一晚早點休息 |
 充足的睡眠能令你精神煥發，並增強信心及應變能力 |
|
| ‧ | 遲到是面試的大忌，會影響你的情緒及主考人對你的印象 |
| 應預早計劃交通路線，事先了解面試地點的交通情況 |
|
| 最好在約定時間 15 分鐘前到達，讓自己有時間緩和心情及預備面試 |
物品篇
參加面試需帶備：
| ‧ | 身份證 |
| ‧ | 原子筆 |
| ‧ | 履歷表正副本 |
| ‧ | 學歷文件 \ 證書正副本 |
| ‧ | 工作證明文件正副本 (如公司推薦信、離職信等) |
| ‧ | 證件相 |
| ‧ | 僱主的地址及聯絡電話 |
| ‧ | 手提電話 |
| 要點 | |
| ‧備齊學歷及工作證明等重要文件，並把文件分類及整齊排列 | |
| 確保你在主考人要求查閱時能有條理地取出所要求的文件，給予對方一個良好印象 |
|
| ‧不要帶過多私人物品或與面試無關的物件，前赴面試 |
外表篇
| ‧ | 外表及打扮要整齊清潔，大方得體 |
| ‧ | 衣著要得宜，以簡單大方為原則，但亦須配合職位、工作性質及機構的風格 |
| ‧ | 衣著不宜太花巧時髦，顏色亦不宜太鮮艷，否則會予人欠缺成熟穩重的感覺 |
| ‧ | 女性的化粧宜清淡，切勿濃艷，首飾配襯亦不宜太多 |
| ‧ | 男士宜刮淨鬍子 |
面試表現
到達公司後……
| ‧ | 緊記先將手提電話及傳呼機關上 |
| ‧ | 禮貌地向職員道明來意，然後耐心等候 |
| ‧ | 如需填寫職位申請表格，應盡量參考履歷表資料並小心填寫 |
| ‧ | 切勿到處亂走，胡亂觸碰或取用職員的物品 |
| ‧ | 等候期間忌表現得不耐煩或無精打采 |
進入面試室…
| ‧ | 進入面試室前先敲門，應保持微笑並禮貌地和面試主考人打招呼 |
| ‧ | 握手與否，最好以主考人為主導，而握手力度要適中 |
| ‧ | 待主考人邀請或示意才可禮貌地坐下，坐姿要自然端正 |
面試時…
| ‧ | 保持鎮定和微笑，力求表現自然，不要過份拘謹 |
| ‧ | 表現誠懇有禮的態度，但亦不宜過份客氣或謙卑 |
| ‧ | 說話音調、音量及速度要適中，咬字要清晰，語調要肯定，盡量少用助語詞 |
| ‧ | 切勿將雙手蹺起放於胸前，以免讓人覺得你採取保護自己、防衛性的策略 |
| ‧ | 與主考人保持適當的眼神接觸 |
| 雙眼應望著對方，以表自信誠懇和尊重對方 |
|
| 切忌緊盯著對方，予人壓迫的感覺 |
|
| ‧ | 避免小動作，如把弄手指、搓手、搔頭、頻撥頭髮等，以免予人不夠成熟、缺乏耐性及不夠自信的壞印象 |
| ‧ | 留心聆聽主考人的提問。回答提問要直接清晰，但不要太過簡單，不應只答「是」或「不是」，應將重點逐一陳述清楚 |
| ‧ | 主考人說話時，以適當和適量的點頭回應，以表示對話題有興趣及認同對方的說法 |
| ‧ | 於小組討論中： |
| 應積極主動參與討論，不可過份沉默被動 |
|
| 要留心傾聽他人發言，隨時準備作出回應或作答 |
|
| ‧ | 不要打斷對方的說話或提問 |
| ‧ | 陳述自己的能力或經驗時，可考慮輔以實例說明，以加強說服力及可信性。切忌言過於實或提供虛假資料，企圖瞞騙主考人 |
| ‧ | 在面試的較後階段，可發問一兩條關於工作、培訓及晉升的問題，以表示你對申請職位的興趣及熱誠 |
| ‧ | 完成面試離開前，應向主考人表示謝意及禮貌道別 |
以上係參考勞工處
但總括黎講, 面試唔需要緊張,放鬆咁同對方溝通,令對方認識你,同埋表達自己好想做呢份工 咁再加埋少少運氣就會有工架啦
4. 銀行戶口
當請左你之後,出糧比你通常都有3種方法:
1. 現金
2. 支票
3. 銀行
如果銀行既話,多數都係用中銀/ 恆生出糧 無戶口既話 要開定
如果請左先知無戶口 可能會等你開左先比你返 呢點要留意下。
搵工推介
其實暑期工做得幾個月, TRAIN完又驚你走, 所以多數都係D 唔需要太多技能既野
最常見既工 迪士尼 $48, 馬會$47, 海洋公園$45,所有餐廳包括M記$2X,KFC $2X, NEWAY $3X, PIZZA HUT $2X ,XX壽司 $3X, 大家樂 $2X,意粉屋 $2X等等, 炒散 $5X ( 所有酒店+會展),UNIQLO, IT, 玩具反斗城,LOG ON, 派傳單, 葵涌貨倉, 貢茶, 馬拉松,運動家, 等等
(我靜係大約知某D 人工 有錯請指正)
你會留意到, 請既公司通常都係大公司,好多間分店, 所以好易請 因為流失率高 , 同埋都係飲食同服務業
至於呢D工邊度搵? 有幾個網推介
* 勞工處http://www2.jobs.gov.hk/1/0/webform/Default.aspx
*JOBSDB
http://hk.jobsdb.com/hk
青少年見習就業計劃
http://www.ywets.labour.gov.hk/job_search.aspx?style=ywets&lang=tc#business
招聘活動
http://www1.jobs.gov.hk/1/0/WebForm/jobfairs.aspx
青雲路
http://ecjobs.com.hk/user/user_index.php
JOB MARKET
http://www.jobmarket.singtao.com/
招職
http://www.jiujik.com/jshome_b5.html
*UWANTS
http://www.uwants.com/forumdisplay.php?fid=397
*買本FACE雜志
打星果D係我既推介 幾好用
嫌以上唔夠既話 請去呢度: 有齊所有搵工網
http://www.i818.com/job/
通常大公司都係會招聘日 請好多人, 而平時WALKIN 就睇下佢夠唔夠人用
最好趁早 因為好快請晒
下次我會再講下 有D咩求職陷阱 邊D工係呃人 邊D工好辛苦
其實我做過好多份工 得閒都可以分享下D 暑期工經驗
訂閱：
文章 (Atom)